Ceip Rosalía de Castro de Lugo

RETRATO ROBOT

Un retrato robot é unha reconstrución plástica dunha persoa da que se carecen imaxes fidedignas. O retrato robot realízase a través da descrición de alguén que a coñece. Utilízase habitualmente para investigacións policiais, co fin de poder identificar a delincuentes ou a persoas desaparecidas.

Uso policial

Este recurso comezouse a utilizar na década de 1950. A policía valíase de retratistas expertos que debuxaban os trazos destas persoas a partir de testemuños orais. Posteriormente a Smith & Wesson, a maior empresa de armas de fogo dos Estados Unidos elaborou o seu sistema consistente nunha serie de case dúas mil follas de triacetato de celulosa que se proxectaban sobre unha lousa luminosa. Dispúñase dun repertorio exhaustivo de cada trazo facial (nariz, ollos, beizos, mentón, fronte, cabelos, ollos) e de posibles elementos complementarios (lentes, barba, bigotes, cicatrices) que se sobrepuñan nunha folla ata a reconstrución aproximada do rostro da persoa que se desexaba identificar. Actualmente existen programas informáticos que facilitan este labor.

BÚSCASE SOSPEITOSO

Pica sobre a imaxe  e crea un retrato  robot.  Cando completes a imaxe  do “teu  sospeitoso”, captura a pantalla e insértaa  nun documento de texto. Define os rasgos do personaxe . Ficha de adxectivos

 

 

 

 

 

 

 

 

Crea o teu retrato ao estilo manga. FACEYOURMANGA

 

Advertisements

O cómic: imaxe e palabra

Nesta outra páxina atoparás moita mais información sobre os cómics e como aprender a elaboralos.

Unha vez que SAIBAS TODO SOBRE os cómics, xa poderás afrontar a segunda tarefa que consistirá en ELABORAR UN.

As aventuras de Ulises

Din que foi o poeta Homero o autor da obra titulada A Odisea, unha das grandes historias da Grecia antiga. É o relato das aventuras de Odiseo, ou Ulises, durante a súa viaxe de regreso á illa de Ítaca, logo de conquistar a cidade de Troia.

Nesa viaxe, o heroe grego pasou moitas aventuras, que son as que forman esta actividade. Para realizala, usaremos a seguinte versión resumida:

Le con moita atención as súas aventuras, que poderás ampliar con outros libros e materiais, se o precisas. Así descubrirás máis cousas para coñecer mellor ao vello Ulises, e tamén para levar adiante a tarefa a realizar.

No enlace anterior está a versión que usaremos todos. Contén 5 historias: o cíclope Polifemo, a illa de Eolo, a ninfa Calipso, o palacio de Alcinoo, o encontro con Telémaco. DUNHA delas farás o seu cómic.

  1. A expresión, a claridade e a presentación serán boas. Ademais, haberá que utilizar diversos tipos de planos e todos os elementos que estudiamos antes (bocadillos. cartela, onomatopeias, liñas de movemento, signos gráficos ..|
  2. O día 22 de febreiro estará entregado. Non se admitirán retrasos.
  3. Lembra que no noso blog tes unha boa axuda online, pero tamén podes facer consultas mediante o correo electrónico ou Edmodo.

Mais recursos:

HiSToRia do Meu NoMe e Que Pasou o Dia que nacin

Esta actividade servirá para que coñezamos mellor a historia da nosa vida e o contexto no que nacimos, e algúns sucesos de relevancia que tiñan lugar neses anos e que descoñeciamos. Realizaredes un traballo de investigación a partir de distintas fontes de información (internet, familia, prensa…)

Buscamos información sobre o noso nome: orixe, significado …

Investigamos o por que do meu nome. Preguntamos na familia quen elixiu o voso nome. Buscar antepasados que se chamen igual [foto].

Creamos a nosa Árbore Xenealóxica (Pinterest)

Personaxes famosos que levan o meu nome. Tendes algo en común aparte do nome … Investiga

Con que xente famosa compartes aniversario?, que acontecementos famosos sucederon o día do teu nacemento?,  cal era a canción  de moda?, cal era o libro mais leído? cal era a pelicula mais vista?

Con todos os datos reunidos, creade a vosa BIOGRAFIA. 

Realizamos e expoñemos a nosa presentación : Labbook, Impress, Google Docs, Prezi,  Canva, Genia.ly

Seguir lendo

ReFRáNS CoN FoRMa De CaLiGRaMa

O refrán é a parte da lingua que mellor recolle o espírito dos pobos, segundo os filólogos, literatos e investigadores que elaboraron os Cadernos de Fraseoloxía Galega. Os 15 libros editados ata agora recollen máis de 52.000 refráns de toda Galicia.

Cando alguén di poñer o carro diante dos bois o mais probable é que proceda dunha zona agraria, mentres que a expresión tirar todo pola borda é máis común nas vilas pesqueiras.

OS refráns forman parte importante da literatura, e  a miúdo son tamén unha forma de expresión feita desde a fame e a miseria das clases máis desfavorecidas.

Unha vez elixido o refrán, darémoslle a forma dun caligrama, e pola parte de atrás escribiremos unha pequena explicación sobre que quere dicir.

Refraneiro galego


Ferramentas TIC que podemos empregar para facer o noso caligrama. Tamén podemos facelo a man, debuxando e coloreando sobre unha cartolina.
Seguir lendo

ESCRITURA CREATIVA

 

Ejemplos de Avatares de Superhéroes

 

Os superheroes están nos cómics e no cinema, e forman parte da cultura adolescente desde hai décadas. Por iso, poden acudir na túa axuda para cumprir a túa difícil misión. Aí van algunhas ideas para traballar as principais materias cun extra de superpoderes.

PROPOSTAS PARA ENSINAR CON PODERES SOBRENATURAIS

Física con Superman. Este vídeo sobre a forza de Superman pode servirche de introdución para abordar en clase conceptos físicos como a masa, a forza, a velocidade, a enerxía, as calorías ou a temperatura, entre outros. Bioloxía con Spiderman. O fío que producen Spiderman e as arañas para moverse e rubir polos lugares máis insólitos era ata hai pouco imposible de reproducir a través de métodos científicos. Neste vídeo explícase como o conseguiron, e neste artigo, poderán ver como uns físicos británicos han comprobado que a tea de araña podería deter un tren, como na película de Spiderman. Infografía de Batman ou ler esta completa infografía sobre superpoderes.

CREAMOS O NOSO SUPERHEROE O A NOSA SUPERHEROÍNA


HEROMACHINE  é unha estupenda aplicación que che vai permitir xenerar superheroes con moitas opcións de uniformes, rasgos faciais, accesorios, … ! Tamén se pode colorear.


Tamén podes crear o teu Antihéroe, para iso podes escoitar e ver o vídeo do grupo español MClan para ver que problemas pode ter o personaxe que elixas.

Chega o Samaín!!!

  1.  ESCRIBIR RECEITAS Ou POCIONES MÁXICAS.

Primeiro, hai que pensar en para que vai servir a receita (desexo ou utilidade). Ese será o título. Logo, elabórase unha lista de estraños ingredientes detallados. A continuación, explícase a preparación da receita. Por último, invéntase un esconxuro, para que forneza efecto (en verso). Este traballo pode ser individual ou por parellas.  Consultar a información que vos deixo sobre os textos instructivos

                                                                                                         Este é o meu esconxuro para vós

Related imageBruxas, meigas e demos, eu, invócovos
e, se na receita, non me equivoco,
ou non se me vai moito o “coco”,

e non me dá demasiado sufoco
facede que os alumnos estean máis calados
porque se non acabarán “destripados”

 

 

2. DESEÑAMOS E CREAMOS UN MENÚ PARA O NOSO RESTAURANTE TERRORÍFICO

Creamos un cartaz para anunciar o noso restaurante ( debe figurar o nome do restaurante, un menú de 3 pratos – primeiro, segundo e postre- , ilustracións ou debuxos que podedes empregar de Pinterest, o prezo e o lugar onde podemos atopalo. Para facer o cartaz podedes empregar a ferramenta gratuita Canvas ou empregar Piktochart   Este traballo é para realizar en grupos de 3 alumn@s.

RÚBRICA PARA O CARTAZ

 

Descricións de seres fantásticos: Bestiario.

É unha recompilación de seres fabulosos, un compendio de bestas, resultado da mestura de distintos animais. A súa descrición realízase como se faría a dun animal calquera. Empregamos a técnica das tarxetas.  Escribimos os nomes dos animais sen facer ningunha clasificación, e sacamos tres tarxetas ao azar. Se saen animais moi parecidos (dúas aves, por exemplo), cámbiase un deles, para que haxa contraste.

CONSIGNA: mesturando as características dos animais que che saian nas tarxetas, inventa unha besta e descríbea. Pódeste guiar do seguinte guión:

Nome.

Vertebrado ou invertebrado.

Características do corpo.

Lugar onde vive.

Forma de desprazarse.

Alimentación.

Reprodución.

Para terminar, como sempre, encadernamos as producións resultantes, unha vez que as reescribiron, pasado a limpo e lido en voz alta para os seus compañeiros/ as.

Hai pouco, a editorial Edebé publicou un pop- up de Ricki Gervais, titulado ” Flanimales”, que recomendo pola orixinalidade das descricións, as xeniais ilustracións de Rob Steen e a marabillosa enxeñería do papel, a cargo de Richard Ferguson.